Wednesday, January 26, 2011

Mga Sanhi ng Pagbagsak ng Estudyante sa Klase

Ang mga sumusunod ang kadalasang dahilan ng pagliban ng mga estudyante sa paaralan. Dahilan kung bakit di sila nakakapag-aral ng maayos, na nagreresulta naman sa kanilang pagbagsak sa klase at kung minsan ay nagiging dahilan pa ng paghinto nila sa pag-aaral:

Unang-una, ang mga depinisyon ng mga salita na kadalasang sanhi ng pagliban ng estudyante sa klase. Maaari nating ikonekta ang bawat isa at gawan ng sarili nating interpretasyon kung bakit ito naging salik sa pagbagsak ng ilang estudyante sa klase. Makokonekta natin ito dahil sa bawat salitang nabigyan ng depenisyon at sa bawat ideyang meron ang bawat isa sa atin. Di natin pansin na ang lahat ng ito ay may koneksyon at maaring lahat ng ito ang siyang dahilan ng pagbagsak ng isang estudyante sa kanyang klase.

Depenisyon ng mga dahilan ng pagbagsak ng isang estudyante sa klase:


1. Bawal na gamot - mapanganib na gamot na nakaapekto sa isip at sa katawan ng tao. Nabibilang ang bawal na gamot sa mga produktong droga na may kapeina, tabako, mga nalalanghap na sangkap o mga itinutusok, ang marihuwana, heroina, at mga isteroyd ang ilan sa halimbawa nito.
2. Bisyo - depinisyon. Isang kinahihiligan ng mga estudyante. Ilang halimbawa lamang nito ay sugal, droga, sigarilyo, alak at iba pa.
3. Kaibigan – isang tao na maaring magdulot ng kasamaan o kabutihan sa kapwa niya mag-aaral.
4. Kapaligiran – isang lugar na nakapaligid sa isang tao o bagay. Maaring magulo o tahimik. Ito rin ay nakakaapekto sa isang mag-aaral.
6. Karamdaman – ito ay ang estado ng pagkakaroon ng sakit na nagreresulta sa hindi pagpasok ng isang mag-aaral sa paaralan.
7. Memorya – ang kakayahan ng pag-iisip ng isang estudyante na alalahanin at panatilihin ang mga impormasyon ng nakaraang leksyon o pangyayari sa kanyang isipan.
8. Tahanan – isang lugar kung saan nakatira ang isang mag-aaral. Maari rin itong makaapekto sa isang mag-aaral kung ano man ang klase ng pamilya ang nandito. Maaaring magulo o tahimik.
9. Emosyon – ang damdamin ng pagkatuwa, pagkalungkoy, pagkatakot, pagmamahal, pagkagalit, atbp.

Ang kapaligiran at uri ng kaibigan ang kadalasang nagtuturo sa estudyante sa pagtikim ng mga bawal na gamot, alak at sigarilyo. Nagiging dahilan ng pagkakaroon ng bisyo ng isang estudyante dahil sa pagkahilig dito. Ngunit kung minsan, ang pagkakaroon ng biyo ng estudyante ay di rin dulot ng kanyang kaibigan o ng kanyang kapaligiran. Minsan, ito ay dahil sa uri ng tahanan na kanyang pinapalooban. Lalong lalo na kung ang kanilang tahanan ay magulo at araw-araw na nagkakaroon ng masasamang pangyayari dito na sumagi naman sa kanyang memorya. Dahilan ng kanyang pagiging emosyonal at paghahanap ng bagong libangan o kahihiligan upang maisagi lamang ang kanyang kansentrasyon sa iba. Dahil sa kanyang dinadalang problema, ito minsan ang ginagamit na dahilan ng iilang tao para mapatikim ng ipinagbabawal na gamot, alak o sigarilyo ang isang estudyante.

Sa koneksyong aking ginawa, nalaman natin na hindi lamang iisa ngunit napakaraming dahilan ang nagiging rason sa pagbagsak ng isang estudyante sa kanyang pag-aaral o klase.


Ikalawa, ang ilan sa mga dahilan ng pagbagsak ng isang estudyante sa kanyang pag-aaral o klase. Ilan sa mga ito ay maaaring familyar na sa iyo. Ngunit maaaring ang iba naman sa iyong mababasa ay ngayon mo lamang nalaman.



Ilang Dahilan ng pagbagsak ng mga Estudyante sa klase:

1. Mga Temtasyon sa pag-aaral ng isang estudyante.
  • Kasali na dito ang internet, telebisyon, cellphone at iba pang mga nakakatuwang bagay na nakakasira ng ating pag-aaral. 
     - Nakakatulong nga ang internet sa ating mga riserts ngunit may ibang sayts na hindi naman nakakatulong sa ating pag-aaral na madalas pang pinagtutuunan ng pansin ng mga estudyante. Katulad ng facebook, usong laro na "DOTA" at iba pa. 
     - Ang cellphone na ginagamit sa pakikipag-komunikasyon ay minsang naaabuso ng ilang estudyante. Kahit pa sa loob ng klasrum habang nagtuturo ang guro ay kadalasan pa rin nilang ginagamit sa pakikinig ng musika at ibang di malamang dahilan.

2. Kawalan ng interes sa pag-aaral.
  • May ibang mga paaralan na nagpepresyur sa mga mag-aaral at dahil sa sobrang presyur na ito, nahihirapan na ang mga mag-aaral sa pagbalanse ng kanilang pag-aaral sa bawat asignatura. Na nagiging dahilan ng unti-unting pagkawala  interes ng isang estudyante sa pag-aaral. Lalong lalo na kung ang pagsusumikap niyang ito ay nauuwi sa wala.
3. Maagang pagpasok sa isang relasyon.
  • Hindi natin maitatangi na sa panahon ngayon marami nang mag-aaral ang maagang nakikipag-relasyon sa kapwa nila estudyante. Dahil dito naguguluhan sila sa kanilang pag-aaral. Lalong lalo na kung ang kanilang nakarelasyon ay humihingi ng sobra sobrang oras upang sila ay magkasama.
4.. Mga problema.
  • Minsan di natin alam ang bawat probleman kinakaharap ng isang estudyante na nagpapagulo sa kanyang isip. Mga personal na problema, problema sa pera at kung minsan problema sa kanyang nakarelasyon. Na nagdudulot ng kaguluhan sa kanyang pag-iisip.

Ikatlo, ang ilan pa sa mga dahilan ng pagbagsak ng estudyante sa kanyang klase. Ito ay ayon sa mga mag-aaral na aking naka-usap ng personal.


Ibang dahilan sa pagbagsak ng estudyante sa klase ayon sa mga mag-aaral:
  1. Dahil sa pagiging irresponsible ng estudyante. 
  2. Dahil sa kapabayaan ng mga magulang o ng gardyan ng bata. 
  3. Dahil sa napunta sa maling barkada. 
  4. Hindi interesado sa leksyon o diskusyon. 
  5. Hindi nakikinig sa klase. 
  6. Hindi nag-aaral ng mabuti, dahil sa pagbabarkada.
Konklusyon:
      "Ang pagkakaroon ng fokus at mabuting pag-aaral, pag-iwas sa bisyong dulot kaibigan, paggamit ng maayos sa teknolohiya at inisyatibong magkaroon ng magandang uri tahanan. Ang siguradong ugali na mag-iiwas o maglalayo sa atin sa pagbagsak sa klase na nagreresulta kung minsan sa paghinto sa pag-aaral at siguradong maglalayo sa atin sa nakaambang kapahamakan." 




No comments:

Post a Comment